Metre

'U metre (simbele: m, certe vote indicate, sbaglianne, cu mt) jè l'aunità base SI (Sisteme 'Ndernazionale de aunità de mesure) d'a lunghezze.

In origgene, avenìe definite cumme 1/40 000 000 d'u meridiane terrestre, ma jndr'à 'u 1983, a Parigge, duranne 'a 17ª Conférence générale des poids et mesures (Conferenze Generale de Pise e Mesure), avenìe ridefinite accussì:

'Nu metre jè definite cumme 'a distanze percorse da 'a luce jndr'à 'u vacande jndr'à 'n'indervalle de timbe pare a 1/299 792 458 de seconde.

Da sta definizione segue ca 'a velocità d'a luce jndr'à 'u vacande mesure 299 792 458 m/s.

Storie

'A barre de platino-iridio ausate cumme cambione d'u metre da 'u 1889 a 'u 1960

Coniate cumme termine jndr'à 'u 1675 da Tito Livio Burattini (a 'u quale s'addà recanoscere 'nu prime tendative de definizione basate sus a l'oscillazione de 'nu pendolo ca tène 'nu seconde de periode), 'a definizione origgenale d'u metre basate sus a le dimenziune d'a Terra avène fatte resalì a 'u 1791, stabbilite da l'Accademie frangese de le scienze cumme 1/10 000 000 d'a distanze 'mbrà 'u polo nord e l'equatore, longhe 'a superficie terrestre, calcolate sus a 'u meridiane de Parigge.

Ma 'u processe avere state già accumenzate l'anne precedende da 'u guverne frangese jndr'à 'nu tendative de costruì 'nu sisteme de aunità de mesure. 'U 7 abbrile 1795 'a Frange adottò 'u metre cumme aunità de mesure ufficiale. L'ingertezze jndr'à mesurazione d'a distanze però purtò l'Ufficie 'ndernazionale de le pise e de le mesure (BIPM) a ridefinìe jndr'à 'u 1889 'u metre cumme 'a distanze 'mbrà le doje linèe ingise sus a 'na barre cambione de platino-iridio astepate a Sèvres vicine a Parigge. In Itaglie 'u metre jè attuate ausanne 'u cambione de l'Istitute Nazionale de Ricerche Metrologgeche (ex "Galileo Ferraris") de Torino.

Jndr'à 'u 1960, cu 'a desponibbeletà de le laser, l'undicesime "Conferenze generale de pise e mesure" cangiò 'a definizione d'u metre in: 'a lunghezze pari a 1 650 763,73 lunghezze d'onde jndr'à 'u vacande d'a radiazione corrispondende a 'a transizione 'mbrà le levèlle 2p¹⁰ e 5d⁵ de l'atome de kripton-86.

Jndr'à 'u 1983 'a XVII Conferenze generale de pise e mesure definì 'u metre cumme 'a distanze percorse da 'a luce jndr'à 'u vacande jndr'à 1/299 792 458 de seconde (cioè, 'a velocità d'a luce jndr'à 'u vacande avène definite essere 299 792 458 metre a 'u seconde). Siccome ca se ritiene ca 'a velocità d'a luce jndr'à 'u vacande jè 'a stesse a tutte le vanne, sta definizione jè cchiù universale d'a definizione basate sus 'a mesurazione d'a circonferenze d'a Terra o d'a lunghezze de 'na specifiche barre de metalle e 'u metre cambione pò essere reprodotto fedelmende in ogne labboratorie appositamende attrezzate. L'otre vandagge jè ca pò (in teorie) essere mesurate cu precisione superiore rispette a 'a circonferenze terrestre o a 'a distanze 'mbrà doje linèe.

Sembre grazie a le espereminde in labboratorie, da 'a fine d'u 1997 jè possibbele raggiungere 'n'ordene de accuratezze de l'ordene de $10^{-10}$ m. Stu resultate jè ottenibbele sfruttanne 'a relazione
: $\lambda ={\frac {c}{nf}}\ ,$
(λ=lunghezze d'onde, c=velocità d'a luce, ν=frequenze d'a radiazione) ausanne oscillature laser stabbelezzate a frequenze canusciute (imbrecisione Δν/ν megghie de $10^{-10}$ ) 'a quale radiazione avène ausate in sisteme de mesure interferometrece.

Multiple e sottomultiple

Ausanne le prefisse SI se avene le seguende multiple e sottomultiple (in corsive le multiple e sottomultiple none recavate cu ause de prefisse o none facenne parte d'u Sisteme 'Ndernazionale):

denominazione	simbele	corrispondenze I	corrispondenze II	corrispondenze III
yottametre	Ym	10²⁴ m	1 000 000 000 000 000 000 000 000 m
zettametre	Zm	10²¹ m	1 000 000 000 000 000 000 000 m
exametre	Em	10¹⁸ m	1 000 000 000 000 000 000 m
parsec	pc	≈ 3,086 · 10¹⁶ m
anne luce	al	≈ 9,461 · 10¹⁵ m
petametre	Pm	10¹⁵ m	1 000 000 000 000 000 m
terametre	Tm	10¹² m	1 000 000 000 000 m
aunità astronomeche	UA	≈ 1,496 · 10¹¹ m
gigametre	Gm	10⁹ m	1 000 000 000 m
megametre	Mm	10⁶ m	1 000 000 m
miriametre	Mm	10⁴ m	10 000 m
chilometre (o kilometre)	km	10 ³ m	1 000 m
ettometre	hm	10² m	100 m
decametre	dam	10¹ m	10 m
metre	m	1
decimetre	dm	10⁻¹ m	0,1 m	1/10 m
cendimetre	cm	10⁻² m	0,01 m	1/100 m
millimetre	mm	10⁻³ m	0,001 m	1/1 000 m
micrometre (o micron)	μm	10⁻⁶ m	0,000001 m	1/1 000 000 m
nanometre	nm	10⁻⁹ m	0,000000001 m	1/1 000 000 000 m
Ångström	Å	10⁻¹⁰ m	0,0000000001 m	1/10 000 000 000 m
picometre	pm	10⁻¹² m	0,000000000001 m	1/1 000 000 000 000 m
femtometre (o fermi)	fm	10⁻¹⁵ m	0,000000000000001 m	1/1 000 000 000 000 000 m
attometre	am	10⁻¹⁸ m	0,000000000000000001 m	1/1 000 000 000 000 000 000 m
zeptometre	zm	10⁻²¹ m	0,000000000000000000001 m	1/1 000 000 000 000 000 000 000 m
yoctometre	ym	10⁻²⁴ m	0,000000000000000000000001 m	1/1 000 000 000 000 000 000 000 000 m

Lunghezze tipiche

Lunghezze	Equivalende in metre
Distanze medie d'a Terra da 'a cchiù vicine de le granne galassie (Andromeda M31)	2 · 10²²
Diametre d'a galassia nostre	8 · 10²⁰
Distanze medie 'mbrà 'a Terra e 'a stella cchiù vicine (escluse 'u Sole)	4 · 10¹⁶
Distanze medie 'mbrà 'a Terra e 'u Sole	1,5 · 10¹¹
Ragge medie d'a Terra	6,37 · 10⁶
Diametre de 'nu globulo russe	8 · 10⁻⁶
Diametre de 'nu atome de ossigeno	10⁻¹⁰
Diametre de 'nu protone	2 · 10⁻¹⁵

Mesure equivalende jndr'à otre aunità

Aunità metreche espresse jndr'à 'n'aunità none SI				Aunità none SI espresse jndr'à 'na aunità metreche
1 metre	≈	39.37	inch	1 inch	≡	0.0254	metre
1 cendimetre	≈	0.3937	inch	1 inch	≡	2.54	centimetre
1 millimetre	≈	0.03937	inch	1 inch	≡	25.4	millimetre
1 metre	≡	1×10¹⁰	Ångström	1 Ångström	≡	1×10^-10	metre
1 nanometre	≡	10	Ångström	1 Ångström	≡	100	picometre

Jndr'à sta tabbelle, "inch" sonde le "inch 'ndernaziunale".^[1]

Note

↑ A. V. Astin & H. Arnold Karo, (1959), Refinement of values for the yard and the pound, Washington DC: National Bureau of Standards, republished on National Geodetic Survey web site and the Federal Register (Doc. 59-5442, Filed, June 30, 1959, 8:45 a.m.)

"≈" signifeche "cchiù o mene jè uguale a".

"≡" signifeche "uguale pe definizione" o equivalendemende, "jè satte-satte uguale a".

Bibbliografije

Ken Alder. La misura di tutte le cose. Rizzoli, 2002 (storie d'a mesurazione de l'arche de meridiane 'mbrà Dunkerque e Barcellona de Jean-Baptiste Joseph Delambre e Pierre Méchain).